![](http://4.bp.blogspot.com/_gFyFyqskSfI/SPCHXX0kQoI/AAAAAAAAARw/f1-Hak91hng/s400/salteatro.jpg)
SALÓN-TEATRO
Pasáronme unha cita e ante as portas
agardei; aínda lembro que ese día
chovía unha auga maina e parecía
un tempo de naufraxio e ilusións mortas.
Por días sen regreso e rúas tortas
chegara alí. A voraz melancolía
devorábame os ollos e poñía
unha urxencia febril nas mans absortas.
Pasáronme unha cita e agardei
ante as portas do cine, cun xornal
atrasado e marcado, e unha clave.
Móllame a chuvia a trenca e o xersei,
esquecinme de cal era o sinal,
xa non o sei e xa ninguén o sabe.
(Extraído de As cidades mergulladas)
![](http://4.bp.blogspot.com/_gFyFyqskSfI/SPCFUyKaLdI/AAAAAAAAARo/ty8lH3-DA6E/s400/04.jpg)
Descanse en paz o noso amigo